BUTUAN CITY – . Wala damha sa mga pulis sa Tubod, Surigao del Norte nga mag-viral ang ilang pinaka-ulahing zumba video kansang tumong mao lamang unta ang paghimong himsog sa ilang panglawas aron haum sila sa ilang trabaho.
Nasayrang ang pinaka-ulahi nilang video parte lang sa taud-taud na nilang gilusad nga Zumba sa Kampo isip kabahin sa ilang Physical Fitness Program.
Base sa ilang unang mga posts dihang una nilang gilusad ang maong programa nga duna’y hash nga #zumbasaakampo, maklaro ang ilang pagpangatawa tungod kay nabag-uhan sila sa ilang gihimo.
Dihang halos kada-buwan na nila kining gihimo, mi-klik kini sa ilang mga ka-ubanang police stations nga nakapahumot kanila ug sa mga tawong ilang giserbisyuhan.
Gawas nga naghatag kanila og maayong panglawas, nakakuha usab kini og atensyon ingon man maayong komento gikan sa mga netizens og nakuha pa nila ang simpatiya sa mga tawong ilang giserbisyuhan.
