BUTUAN CITY- Posibleng direktang nalambigit ang bag-ong Supreme Leader sa Iran nga si Mojtaba Khamenei, anak sa mingtaliwang lider nga si Ali Khamenei, sa paghulma og estratehiya sa Iran sa kagubot ug sa negosasyon aron tapuson ang tensyon sa Estados Unidos.
Sumala sa intelligence sa US, si Mojtaba Khamenei ang minghimo sa diskarte sa Iran sa mga negosasyon aron tapusin ang kagbot nga mingbusikad human ang mga pag-atake sa US ug Israel.
Bisan paman gihulgaway si Mojtaba isip usa ka “hardliner”o adunay gahi nga baroganan nga mingbahad batok sa mga base militar sa US, siya usab ang gi-ilang susi sa pag-apruba sa unsa mang“ceasefire proposal” o kasabotan aron mahunong ang panagbangi.
Si Mojtaba wala pa makita sa publiko sulad maka-angkon og serious injuries sa kasamtangang pag-atake nga mingpatay sa iyang amahan ug pipila ka top military leaders niadtong mingbusikad ang kagubot sa kataposang parte sa Pebrero 2026. Base sa mga taho, kini nagpa-ayo sa mga na-angkon niining samad ug nagtrabaho pinaagi sa mga trusted couriers ug audio conferences gikan sa luwas nga lokasyon.
