BUTUAN CITY – Gidayeg ni Pope Leo XIV ang pagsupak sa kagamhanan sa Espanya sa mga giyerang natigayon sa pipila ka mga nasud sa kalibutan apil na ang pagsuporta sa mga migrante. Gihimo kini sa Santo Papa sa pagsugod sa iyang opisyal nga pagbisita sa maong nasud.
Sa iyang pagpamulong sa usa ka reception uban nila King Felipe VI ug Queen Letizia sa royal palace sa Madrid, gihisgutan sa Santo Papa ang aktibong commitment sa Espanya ngadto sa kalinaw ug panaghi-usa sa ilang katawhan.
Madumdumang nakigsungi si Spanish Prime Minister Pedro Sanchez kang United States President Donald Trump kalabot sa Iran, apil na ang paggiyera sa Israel sa Gaza rason nga gidayeg sa pontiff ang pagsunod sa Espanya sa international law ug sa multi-lateralism.
Atol sa iyang upat ka adlaw nga pagbisita, makigkita si Pope Leo sa mga biktima sa sexual abuse sulod sa simbahang Katoliko ug sa mga grupo nga nag-atiman sa kaayuhan sa mga migrants.
