BUTUAN CITY- Nagkasabot na ang Estados Unidos ug Iran nga taposon ang ilang panagbangi, sumala sa pamahayag ni Pakistani Prime Minister Shehbaz Sharif kagahapon Lunes.
Sigon ni Sharif, adunay opisyal nga signing ceremony sa Switzerland karung Biyernes alang sa maong kasabotan.
Gikomperma usab kini ni US President Donald Trump sa iyang social media, kung as sigon niini nga kumpleto na ang kasabotan sa Islamic Republic of Iran.
Nagmugna ang kasabitan taliwa sa airstrike sa Israel sa Lebanon niadtong Domingo, nga ming-ani og grabe nga batikos gikan sa Iran ug ingon man kang Trump.
Wala pa gipagawas ang kumpletong detalye sa kasabutan, apan sumala ni Sharif, lakip niini ang dali-an ug permanenteng paghunong sa tanang operasyong militar, lakip ang sa Lebanon.
Base sa mga unang taho, laumang abrihan na usab ang Strait of Hormuz, tapuson ang blockade sa Estados Unidos sa mga pantalan sa Iran, ug palapdan ang ceasefire samtang ipadayon ang negosasyon kalabot sa nuclear program sa Iran sulod sa 60 ka adlaw.
Sigon usab ni Trump, mahimong bukas ang Strait of Hormuz nga walay bayad ug mahuman na usab ang naval blockade sa Amerika.
Dugang pa niini, posible nang mo-agi ang suplay sa lana sa pangkalibotanong merkado.
