BUTUAN CITY – Molungtad pa hangtud sa Nobyembre 2, ning tuiga ang pagsugat og mga pasundayag nga pinasubay sa Undas 2022, ang mga mama-uling Butuanons ug mga bisita sa Butuan City Airport sa Barangay Bancasi ning siyudad sa Butuan.
Naka-halloween costumes pa ang mga nagpasundayag nga gipangunahan sa Hugis Dance Project. nga maghatag og lingaw sa mga bisita ug mga balikbayans ilabina nga apil ang mga porter sa airport nakasuot usab og Halloween headband.
Nagsugod kini niadtong Oktubre 29 gikan sa alas 8:00 sa buntag hangtud sa alas 4:30 sa hapon isip pag welcome sa mga bisita ug mga Butuanon aron mabati niini ang obserbasyon sa kalag-kalag.
Ang Halloween nga konsepto sa pagsugat sa mga bisita ug mga Butuanon mao ang pinaka-unang higayon nga gihimo sa lokal nga panggamhanan sa Butuan subay na usab sa tradisyon natong mga Filipino.
