BUTUAN CITY – Hingpit nang nakab-ot ni Jimuel Pacquiao ang iyang unang kadaugan isip professional boxer human niya gipilde si Darrick Gates pinaagi sa second-round stoppage sa ilang lightweight match nga gipahigayon sa Pechanga Casino Resort sa Temecula, California kaganina.
Mitan-aw sa kilid ang iyang mga ginikanan nga sila Manny ug Jinkee Pacquiao kondiin ilang nakita ang ilang 25-anyos nga anak nga wala maglangan sa pagsugod og labay og mga nagpungasi ingon man agresibong kinomo batok sa mas edaran niyang kontra pinaagi sa upat ka sumbag nga kombinasyon sa lawas hinungdan sa pagkatumba sa unang higayon sa kanhi bare knuckle fighter.
Nakabarog pa ang 36-anyos nga si Gates dihanggi-iphan apan gipadayon ni Pacquiao ang pag-atake kondiin na-igo siya sa kusog nga kumo diha sa iyang lawas hinungdan nga mitikluhod sa Amerikano.
Gipahunong sa referee ang upat-ka-round nga away kay klaro nga naglibog ug nagkurog pa si Gates bisan nakatindog na sa ihap nga 10. Kini mao ang pinaka-unang kadaogan sa propesyonal professional victory sa karera sa kamagulangang anak ni Pacquiao, nga kaniadto nakakab-ot lang og majority draw sa iyang debut fight batok kang Brendan Lally.
