BUTUAN CITY- Girekomenda sa National Bureau of Investigation (NBI) ang pagpasaka og tulo ka ihap sa grave threat ug usa ka ihap sa inciting to sedition batk kang Vice President Sara Duterte.
Kini subay sa gi-ingong pagpanghulga niini batok nila President Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Wala gidawat sa NBI ang explaination sa Bise Presidente nga “conditional” lang ang nahimong threat to kill niini.
Sumala sa NBI, klaro matud pa sa konteksto sa mga pamahayag niini, nga adunay intensyong manghadlok ug mipakita og seryosong pagpanghulga.
Gawas niini, girekomenda usab sa ahensya ang kasong inciting to sedition kalabot sa mga pamahayag ni Sara Duterte niadtong Oktubre ug Nobyembre 2024 sa nahimong online press briefing, kung asa gihisgutan matud pa niini ang grabe nga kasuko sa gobyerno ug mga opisyal.
Sa affidavit sa NBI, nakalatid nga ang mga pamahayag sa Ika-duha nga Presidente posibleng moaghat og pagkadismaya sa panggamhanan ug magtukmod sa publiko nga molaban sa mga awtoridad.
“Tends to incite and stir up… to overthrow the organized government by unlawful means,” sigon sa NBI.
Sumala usab sa pipila ka miyembro sa House Committee on Justice, posibleng mahimong importanteng ebidensya ang maong affidavit sa impeachment proceedings batok kang VP Sara.
Wala pay opisyal nga pamahayag ang Office of the Vice President kalabot sa rekomendasyon sa NBI.
Padayon usab nga nakig-koordinar ang Bombo Radyo sa kapo ni VP Sara Duterte.
