BUTUAN CITY – Laumang makaabot na karung hapon sa Pag-asa Island ang mga youth volunteer sa Atin Ito Coalition nga sakay MV Kapitan Felix Oca aron personal nga maghatag og mga kinahanglang suplay para sa mga residente ug komunidad sa nasangpit nga isla.
Adiser ang ilang giatangang pagdunggo, nagkadaiyang aktibidad una ang gihimo sa mga boluntaryo sa ibabaw sa barko samtang gibiyahe ang kadagatan padulong sa West Philippine Sea.
Sigon sa taho, mihimo ang mga kabataan og usa ka sunset yoga session kagahapon, adlaw;ng Biyernes, sa mismong deck sa MV Kapitan Felix Oca aron mapabilin ang ilang maayong kondisyon ug kaandam sa misyon.
Ang nasangpit nga aktibidad kabahin lang sa serye sa mga programang giandam sulod sa barko nga gisugdan pa niadtong Mayo 1.
Isip paghandum sa Labor Day, nakabaton og usa ka sayung programa ang grupo aron hatagan og pag-ila ang mga mangingisdang Pilipino ug mga frontline workers nga padayon nga nanginabuhi ug nagbantay sa teritoryo sa nasud.
Gawas niini, mihimo usab ang mga boluntaryo og usa ka film screening nga naghisgut sa isyu sa West Philippine Sea, lakip na usab ang usa ka rap workshop aron mas palig-onon ang panag-uban sa mga miapil.
