BUTUAN CITY – Nakatakdang modawat og bag-ong pasidungog ang boxing legend ug People’s Champ Manny Pacquiao human gianunsyo nga siya mahimong parte sa Class of 2027 sa U.S. National Boxing Hall of Fame.
Gihimo ang anunsyo sa 3rd Pacquiao-Elorde Awards Night nga gihimo sa Maynila diin gikumpirma ni Eric Schmidt ang nasangpit nga pag-ila.
Adiser niini, nalakip na usab si Pacquiao sa International Boxing Hall of Fame Class of 2025 sa Canastota, New York.
Dinhe nakauban niya ang kaparehong Pilipinong boxing greats nga sila Gabriel Elorde at Pancho Villa.
Giila si Pacquiao isip nag-inusarang eight-division world champion sa kasaysayan sa boxing diin duna siyay 12 ka major world titles ug nakalaban ang 22 ka world champions sa katibuk-an sa iyang karera.
Sa sulat gikan sa National Boxing Hall of Fame, gitumbok si Pacquiao isip “Main Event” inductee para sa Class of 2027.
Gidayeg usab ang iyang kontribusyon dili lang sa boxing kundi bisan sa iyang serbisyo sa nasud.
Laumang motambong si Pacquiao sa induction ceremony nga himoon sa Abril 25, 2027 sa Quiet Cannon sa Montebello, California.
