BUTUAN CITY – Ubay-ubay nga mga Caraganons ug mga Mindanaoans ang atua karon sa Mecca, Saudi Arabia aron pagsalmot sa Hajj, ang tinuig nga pilgrimage subay sa pagsa-ulog karong adlawa sa mga ka-igsuunan natong Muslim sa Eid’l Adha.
Sa eksklusibong pakighinabi sa Bombo Radyo Butuan, gibutyag ni Camal Cabugatan, ang chairman sa Purok 11, sa Brgy. Ong Yiu ning siyudad sa Butuan nga gikahimu-ot ni Al’lah ang pagsanong na unta ni Abraham sa mando nga ihalad ang iyang anak isip sukdanan kung unsa niini kamahal ang Diyos.
Sigon ni Cabugatan, mao kini ang adlaw sa pagpinasayluay rason nga dakong kapistahan kini kanila ubos sa pagtuong Islam kondiin ang mga duna’y ika-afford, mutuyo pag-adto sa Mecca sa Saudi Arabia aron musalmot sa Hajj kansa makonsidera sa usa ka Muslim nga new born ug tawgon na nga Hajji ang mga nakasalmot niini.
Dugang pa ni Cabugatan nga higayong nakasalmot na sa Hajj ang usa ka Muslim, paningkamumtan niining likayan ang pagpakasala aron dili masayang ang pagka-new born na niini.
