BUTUAN CITY – Dismayado si U.S. President Donald Trump sa pinaka-ulahing sugyot sa Iran para sa peace talks nga gipangunahan sa Pakistan.
Sa pakighinabi sa White House, gibutyag ni Trump nga dili madawat ang mga gipangayu sa Tehran.
Nasayran nga mihangyu ang Iran nga iuktaba una ang bisan unsang diskusyon mahitungod sa ilang nuclear program hangtud sa matapos ang gubat.
Isip bugti, gisugyot sa Tehran ang subling pag-abli sa Strait of Hormuz.
Parte sa ilang hangyu ang pagwagtang sa mga economic sanction sa Amerika.
Tungod niini wala malikayan ni Trump nga magbahad nga mamahimo silang mogamit og mas dakong pwersa kung subling mapakyas ang negosasyon.
Sigon pa ni Trump nga dunay “tremendous discord” matud pa sa liderato sa Iran, nga matud pa nagpalisud-lisud sa pagbaton og kasabutan.
Bisan paman niini, nagpabiling abli ang opsyon para sa diplomasya, dayung tumbok ni Trump nga andam ang Estados Unidos sa paglihok sa bisan unsang pamaagi kung gikinahanglan.
