BUTUAN CITY – Wala damha sa usa ka tricycle driver nga subli kining mabalhog sa karsel human kini gidakop sa alegasyon nga pagpanglugos didto sa Purok-2 Barangay San Juan dakbayan sa Surigao ning mi-aging adlaw.
Naila ang suspetsado nga si Eduardo Francisquite Gercan alyas “Eddie Poe”, 53 anyos ,ulitawo usa ka tricycle driver,ug residente sa nasangpit nga purok.
Adiser ang pag-aresto sa kapulisan ngadto sa suspetsado usa ka wala gipanganlang 26-anyos nga ginang ang nagpatabang ug nagtaho nga gilugos matod siya ni Gercan.
Atol sa pagrekisa sa lawas sa suspetsado nakuhaan kini og usa ka sachet sa gitu-uhang shabu nga adunay giba-banang kabug-atong 0.1 gram ug dunay nga nagkantidad og mil-180 pesos.
Base sa record sa Surigao City Police Office ang suspetsado na-aresto na niadtong Enero 2017 tungod sa kalapasan sa RA 9165 kon mas nailang Comprehensive Dangerous Drugs Act of 2002 apan nakagawas human naka-avail sa plea bargaining agreement ning kasamtangang tuig.
Ang dinakpan anaa na sa kustodiya sa Surigao City Police Office alang sa tukmang desposasyon ug gihikay na ang mga kasong ipasaka batok niini.
