BUTUAN CITY- Gikalipay sa grupo sa mga drivers ug operators ang gilaumang pagkunhod sa presyo sa petrolyo karung Martes, Nobyembre 9 ilabina nga dugay na nila kining gihulatan.
Sa eksklusibong pakighinabi ning sibyahan kang Wilfredo Jun Ybanez sa United Tricycle Federation of Butuan gibutyag niini nga maayong balita matud pa ang maong pagkuhod sa presyo sa gasolina bisan pa man sa pila lang kimni ka sentabos.
Tungod niini naglaum pa ang mga trasport sektor nga masundan pa ang gikatakdang pagkuhod sa presyo sa petrolyo sa sunod pa nga mga semana.
Gibutyag usab niini nga wala misangpot sa pagpasa og mga dokumentong hangyo sa kaulohan kabahin na sa dugang sukot sa plitehan dungan sa 10 ka mga natalang sunod-sunod nga taas-presyo sa produktong petrolyo.
Taliwala pa man niini dako ang pagpasalamat usab sa grupo sa mga operator ug drivers nga gidungog na ang ilang mulo nga hatagan ug extension sa Sangguniang Panglungsod ang mga orange tricycle nga makatabok sa Magsaysay Bridge o secondary national highway kada alas 6 sa buntag hangtod alas 11 sa udto ug sugod usab sa ala 1 sa hapon hangtod na sa kagabhion.
Madumduman nga sukad nga nagpagawas og ordinansa ang Sangguniang Panglungsod alayon sa pagdili sa pagtabok sa maong national highway ilabina niadtong dili maoy agi-an sa ilang mga ruta, ubay ubay ang mga mireklamo hangtod nga napatuman ang balaod nga conversion paingun sa mga ruta nga gusto nilang byahe-an nga muagi capable nga muagi o mutabok ba kaha sa national highway
