BUTUAN CITY – Mi-abot sa 50 ka magti-ayon ang opisyal nang gikasal sa Kinasalay Ngani Butuan, usa ka mass wedding program nga kabahin sa selebrasyon sa Balangay Festival ning dakbayan sa Butuan.
Ang seremonya gipangunahan ni Mayor Law Fortun nga maoy nag-solemnize sa mga magti-ayon ilabina kadtong mga mansibado nga pila ka tuig nang nag-ipon ug duna na’y mga anak.
Natapos ang seremonya sa pagbinayloay sa “I Do” ug paghinagkanay sa mga bag-ong minyo, nga gisundan sa ceremonial cake slicing ug toast nga gipangunahan usab ni Vice Mayor Rey Desiata.
Duna usa’y gihatag nga wedding gift ang city government sa Butuan alang sa mga bag-ong kasal.
Ang maong inisyatibo gipangunahan sa City Civil Registry Department diin tinguha nga matabangan ang dugay nang nag-ipon nga mahimong legal ang ilang panag-uban ug ma-legitimize usab sa ilang mga anak.
