BUTUAN CITY – Kampante si Olympic gold medalist Hidilyn Diaz kinsa mao usab ang tournament director sa Palaru Tu AgSur 2026 nga daghan pa ang posibleng madiskubre nga mga potential weightlifters karon.
Kini tungod kay na-experience na sa mga students-athletes sa karon nga national sporting event ang iyang wala ma-experience kaniadto dihang nagsugod pa lang siya sa maong event didto sa Zamboanga City ug wala usab niya mabati ang suporta sa komunidad ug sa mga tawong anaa sa iyang palibot sukwahi karon.
Gani, dako ang iyang pagpasalamat tungod kay standard man ang gigamit nga mga equipment alang sa weightlifting gikan pa sa Samahang Weightlifting ng Pilipinas ubos sa Philippine Sports Commission kon PSC.
Swerte matud pa ang gibana-banang 160 ka mga student athletes sa maong event tungod kay sa palaro pa lang, gigamit na nila ang maong mga ekwepo rason nga gisiguro usab niya nga ang tanan nasubay usab sa international standards apil na ang tanang mga technical officials nga mi-agi pa sa national accreditation.
