BUTUAN CITY – Nagpagawas og traffic advisory ang City Transportation and Traffic Management Department kon CTTMD-Butuan alayon sa himoong Iglesia ni Cristo National Rally for Peace” sa Sports Complex, Barangay Libertad ugmang adlawa.
Base sa traffic advisory, dunay himoong temporaryo nga ROAD CLOSURE ugmang adlawa, Enero 13, 2025 sa alas 12:00 sa udtu ngadto sa alas 12:00 sa tungang gabii sa mga musunod nga kadalanan. Una sa Eastbound Lane sa J.C. Aquino Ave., gikan sa corner Bonbon Road ngadto sa katapusang parte sa sports complex area.
Ikaduha ang portion sa Bonbon Road gikan sa corner sa J.C. Aquino Ave. ngadto sa “Capitol-Bonbon Road.” Duna usay Designated parking areas og “Pick and Drop Off Points” ang gitagana.
Kini dayung awhag sa mga tambag sa publiko nga mohimo og alternatibong ruta aron makalikay sa trapiko.
Sa laing bahin, misaad usab si Police Brigadier General Christopher N. Abrahano, bag-ong regional director sa Police Regional Office kon PRO-13 nga dunay augmentation sa mga personahe aron maseguro nga makontrola ang katawhan nga molambigit sa peace rally.
Sumala pa sa opisyal nga malipayon siya sa gihimong pagpangandam sa Butuan City Police Office aron mapahapsay ang maong peace rally.
Kini samtang Kanunay usab silang nakig-alayon sa organizers sa maong kalihukan.
Direktiba nalang niini sa Butuan City Police Office nga seguruhon ang kahapsay og kaluwasan sa mga partisipante. Mitambag usab kini nga mohatag og advisory ngadto sa mga biyahedor./
