-- ADVERTISEMENT --
BUTUAN CITY – Ubay-ubay ka mga tawo ang patay sa mas gipakusgan pang mga pag-atake sa Israel sa habagatan ug sidlakan nga bahin sa Lebanon.
Kini nahitabo human sa saad ni Israeli Prime Minister Benjamin Netanyahu nga mas palig-onon pa ang aksyong militar batok sa grupong Hezbollah.
Sumala sa Lebanon health ministry, 31 ka tawo ang napatay sa bag-ong hugna sa mga pag-atake, lakip na ang pipila ka mga bata.
Base sa Israeli military, kapin sa 100 ka infrastructure sites sa Hezbollah ug ilang mga fighters ang ilang na-target. Kini na ang usa sa labing grabe nga pagpamomba sa Israel sukad nahimong epektibo ang ceasefire niadtong tunga-tunga sa Abril.
