BUTUAN CITY – Padayon ang pagpatuman sa hugot nga siguridad sa Agusan del Sur Police Provincial Office uban sa Police Regional Office-13 aron masiguro ang malinawon ug hapsay nga pagpahigayon sa Palarong Pambansa 2026.
Sigon ni PMajor Giovanni Tindoy, acting chief sa Police Community Affairs and Development Unit sa Agusan del Sur Police Provincial Office, fully deployed ug aktibo matud pa ang tanang mga pulis nga anaa sa mga billeting quarters ug mga playing venues.
Baynte-kwatro oras matud pa ang duty sa mga pulis aron masiguro ang kaluwasan sa tanang mga bisita ug mga delegado ilabina ang mga billeting quarters sa ingon dili masudlan og mga kawatan.
Sa pagkakaronm, hapsay ang dagan sa national sporting event tungod kay wala ma’y natalang security-related incidents tungod sa mas gipakusgang crowd management, close monitoring sa lihok sa mga tawo uban sa gihimo nilang inter-agency coordination.
Gani, ka-abag nila sa pag-secure sa mga venues ang armadong kusog sa nasud, Agusan del Sur Provincial Security Unit, Bureau of Fire Protection, mga force multipliers ug mga volunteers.
