BUTUAN CITY – Misaka na sa 17 ang ihap sa mga namatay sa trahedyang pagkahugno sa gitukod nga dakbalay sa Angeles City, Pampanga.
Sumala sa Bureau of Fire Protection (BFP) Central Luzon, na-recover ang ika-16 ka patay’ng lawas kagahapon sa alas dos siete sa kaadlawon samtang nakaplagan usab ang 177 paglabay sa pipila ka oras.
Padayon ang gihimong search, rescue, ug retrieval operations para sa tulo pa ka indibiduwal nga gitoohang anaa ilalom sa nahugnong dakbalay.
Mahinumdumang 27 katawo ang naluwas gikan sa nahugnong estruktura, nga naghatag og dakong kanalaka sa mga residente ug awtoridad sa lugar.
Nagpabiling nakaalerto ang mga rescuers ug uban pang ahensya sa gobyerno aron maseguro nga walay mabiling biktima sa nasangpit nga insidente.
Ang trahedya subling nagtumbok sa kamahinungdanon sa hugot nga pagpatuman sa katawhan sa kaluwasan sa mga proyekto sa konstruksyon sa nasud.
Nagpahinumdum usab ang Department of the Interior and Local Government (DILG) sa mga lokal nga gobyerno nga bantayan pag-ayo ang mga gitukod nga dakbalay sa ilang nasakupan aron maseguro ang kalidad sa mga niini ug dunay igong clearances.
