BUTUAN CITY – Dili mapasakaan og kaso ang magtutudlong si Arnold Cañonero, 38-anyos, minyo og residente sa Purok 6, Brgy. Bancasi ning siyudad taliwa nga duna’y pipila ka mga indibidwal nga na-angol human niini na-side sweep ning mi-aging gabii ang pipila ka mga sakyanan sa may Brgy. Libertad.
Kini human nga duna’y settlement nga gihimo ang panig sa suspek ug sa mga indibidwal nga tag-iya sa mga sakyanang iyang nadaro.
Kini ang giklaro ni PCaptain Emerson Alipit, hepe sa Butuan City Police Station kon BCPS-3, human nila nakuha ang mga gikinahanglang impormasyon apil na ang panig sa mga biktima.
Bugti sa kawala’y ipasakang kaso batuk sa suspek ang pagsaad niiing abagahon ang balayrunon sa pagpatambal sa mga biktima ug ihatag kanila ang gipangayong bayad sa nadamyos nilang mga sakyanan ug sa ubang vendors nga na-among ang mga baligya.
Apan giklaro sa opisyal nga nag-isyu gihapon sila og citation ticket batuk sa suspek tungod sa reckless reckless driving ug under the influence of liquor.
