BUTUAN CITY – Ipadayon pa hangtud ugmang adlawa, Huwebes, Enero 15 dinhi sa dakbayan sa Butuan, gikan sa alas-nueve sa buntag hangtud na sa alas-singko sa hapon ang ‘Tay Kami Naman’ signature campaign, nga nanawagan sa gobyerno nga papa-ulion na sa nasud si kanhi Pangulong Rodrigo Duterte gikan sa iyang pagkadetine sa International Criminal Court kon ICC sa The Hague, Netherlands.
Sigon sa local organizers sa maong kalihukan, gisugdan kini dinhi sa Butuan kagahapon Martes gikan sa alas-nueve sa buntag ngadto na sa alas-kwatro sa hapon sa may South Montilla Boulevard uban sa temang ‘Isang Pirma, Isang Tinig Para sa Katarungan.’
Giklaro sa mga organizers nga boluntaryo lamang kini, libre ug nakatutok sa pagtigom og mga pirma nga maoy isubmite ngadto sa Korte Suprema.
Ang mga organizers niini mao ang mga Duterte supporters, apil na ang mga civic volunteers ug mga ka-alyado sa pulitika.
Iprinta sa mga volunteers ang ma-downlad nga mga signature sheets kansa maoy pirmahan sa mga supporters, ug kolektahon aron isubmite ngadto sa Korte Suprema.
