BUTUAN CITY – Napa-angkon sa Bombo Radyo Butuan si Talacogon, Agusan del Sur Mayor Jesryl Masendo nga nag-invest kini sa Forex Trading.
Sa dagan eksklusibong pakighinabi sa Bombo Radyo Butuan, gi-angkon niini nga naka-invest siya og dyutay kondiin naka-payout na siya og duha ka higayon rason nga iya na matud pang nabawi ang iyang kwarta.
Aminado siyang nadani usab siya tungod sa kadaghan sa mga tawong nagpamatuod nga ilang nang nabawi ang kwartang ilang na-invest.
Sa usa ka buwan matud pa niining operasyon sa ilang lungsod, kada-semana silang naka-payout og 75-porsiento sa ilang na-invest.
Ikatulong ka semana na unta ang iyang makuha apan nabulabog kini.
Depensa usab niini, nga ang iyang pag-aksyon dili tungod kay membro siya sa Forex kondili tungod kini sa iyang posisyon pagka-mayor.
Tungod sa pagkabulabog na sa payout, gipanawagan na lang ni Mayor Masendo ang iyang mga kababayan nga mupasaka na lang og kaso aron mahatagan og tsansang makuha pa ang ilang kwarta.
Una na usab nga gi-angkon ni Talacogon, Agusan del Sur Mayor Jesryl Masendo nga siya ang naghangyo sa mga opisyal sa Forex Trading nga magpahigayon og payout ngadto sa ilang mga membro tungod sa pila ka semana nang wala paghimo niini.
