BUTUAN CITY – Gihangyo karon sa legal team ni kanhi Pangulong Rodrigo Duterte ngadto sa International Criminal Court kon ICC nga isibog una ang gikatakda nang pagtaral kaniya og 19 ka mga buwan human sa confirmation of charges niadtong Abril 23 ning tuiga.
Sigon sa bag-ong abogado sa kanhi pangulo nga si Atty Peter Haynes, kinahanglan pa nila og dugang oras aron makapreparar.
Gihimo niya nga ehemplo ang ubang kaso sa ICC nga nagsugod pagtaral human sa 14 hanggtud 19 ka mga bulan gikan sa confirmation of charges.
Kung tugutan, ang trial mahimong magsugod tali sa Hunyo hangtud Nobyembre 2027 taliwa nga gusto sa prosekusyon nga magsugod na kini sa Nobiyembre 30, ning tuiga kansa mas sayo ug wala pa’y walo ka bulan gikan sa confirmation of charges.
Sigon sa depensa, dili pa angay magtakda og petsa tungod kay daghan pang isyu nga wala masulbad.
Kinahanglan usab nga masuta sa korte kung “fit” pa ba si Duterte nga mu-atubang sa trial, ilabina nga padayon ang pag-deteriorate sa iyang panglawas.
