-- ADVERTISEMENT --
BUTUAN CITY- Tingkagol sa prisohan ang upat ka mga indibidwal human sa gihimong buy-bust operation nga gipahigayon sa Philippine Drug Enforcement Agency – Regional Office 13 ug Dapa Municipal Police Station sa Brgy. Jubang, Dapa, Surigao del Norte.
Ang maong mga indibidwal gi-ilang sila alyas “Jestoni,” “Heña,” “Junior,” ug “Ronald,” kansa giila isip high-value targets sa ilegal nga droga.
Narekober gikan sa mga suspek ang 8 gramos sa gituohang shabu nga nagkantidad og kapin P54,000, lakip ang drug paraphernalia ug buy-bust money.
Sa pagkakaron, anaa na sa kustodiya sa kapulisan ang mga suspek ug nag-atubang og kasong paglapas sa Republic Act 9165 o Comprehensive Dangerous Drugs Act of 2002.
