BUTUAN CITY – Posibleng duna’y matigayong ka-usaban sa liderato sa Senado sa pagbalik sa ilang sesyon karong adlawa, human gipadayag ni Senate President Alan Peter Cayetano nga adunay mga tawo nga naglihok aron mapahawa siya sa puwesto.
Sa usa ka press conference, gibutyag ni Cayetano nga aduna matud pa’y himuong kudeta batok sa iyang liderato sa Senado.
Aduna matud pa’y mga senador nga gipasabot aron mu-abin pag-usab sa grupo sa minorya nga gipangunahan ni Senate Minority Leader Vicente “Tito” Sotto III kondiin duna usa’y gihimong pagpanghadlok sa uban.
Sa pagkakaron, posible nga mu-ubos ang gidaghanon sa mosuporta kang Cayetano tungod kay gilauman nga dili motambong sa sesyon si Senador Ronald “Bato” dela Rosa, human nakagawas sa Senado niadtong Huwebes sa kaadlawon.
Tungod niini, mahimong moubos sa 12 ang gidaghanon sa mga senador nga makaboto aron mapabilin si Cayetano isip Senate President.
Mahinumduman nga 13 ka mga senador ang mibotar kaniadto rason nga nabutang si Cayetano sa puwesto, samtang siyam ang misuporta kang Sotto samtang sila Sen. JV Ejercito ug Juan Miguel Zubiri ang mi-abstain sa botohay.
Kung mosanong sa minorya ang duha nga nag-abstain ug makapahimulos pa ug duha ka senador gikan sa kasamtangang mayorya, mahimo silang makamugna og bag-ong “Magic 13” nga igo aron maghimo ug bag-ong kausaban sa liderato sa Senado.
