BUTUAN CITY – Gipaningkamotan karun sa Department of Agriculture kon DA-Caraga ang pagpalapad sa Industriya sa Abaca sa rehiyon.
Kini dayung pagkumpirma nga ang Surigao del Sur mao ang ika-duha sa Abaca Production sa nasud sunod sa Catanduanes.
Sigon ni Engr. Ricardo M. Oñate Jr., Regional Executive Director sa DA-Caraga nga gilantaw na nila ang expansion niini sa mga Geographical isolated Disadvantaged Area nga makita sa mga Ancestral domain.
Pasabot pa sa opisyal nga daghang rason kung nganung ang mga yutang kabilin ang target sa pagpalapad sa abaca production. Kini aron makahatag og panginabuhian sa mga Indigenous People’s kon IP Community pinaagi sa mga livelihood program.
Lakip na usab niini ang pagtubag sa Food Security og ang peace and order tungod kay sila man ang bulnerable sa mga pag-recruit sa walhong grupo.
Apan giklaro ni Oñate nga kinahanglan gayud ang hugot nga kooperasyon sa mga lohal nga kagamhanan aron mahatagan og katumanan ang mga pangandoy nga tabang ngadto sa mga mag-uuma.
Kini isip bugti usab sa mga mag-uuma nga padayon nga nag-uma bisan paman sa mga hagit sa kasamtangang panahon ilabina kay anaa kita karun sa krises nga hatud sa giyera sa Middle East.
