BUTUAN CITY – Padayon pang gisuta sa mga imbestigador sa Bureau of Fire Protection kon BFP-Butuan kung gituyo o wala ang natigayong sunog kagahapon sa may Purok 4 og 5 sa Brgy. New Society Village ning siyudad sa Butuan nga mikalas og usa ka bata samtang mi-angol usab og laing usa.
Sa pakighinabi ning sibyahan, gipadayag ni Butuan City OIC Fire Marshal SFO4 Rodrigo Canton nga mukabat sa 68-milyunes pesos ang inisyal nilang na-assess nga damyos sa maong hitabo nga milamoy sa 50 ka kabalayan hinungdan nga mi-abot sa 68 ka mga pamilya ang nawad-an og pinuy-anan.
Sutaon pa usab sa opisyal pinaagi sa ilang mga imbestigador ang gika-ingong posibleng gituyo kini tungod sa rasong gamiton na ang maong lugar sa tag-iya niini.
Sa pagkakaron, gitutukan pa nilang ang pagsuta sa ihap sa mga nasunugan ingon man ang ilang identity sa ingon magamit sa lokal nga kagamhanan alang unya sa pagpanghatag nila og ayuda. (Beth Ruiz)
