BUTUAN CITY – Gitugutan na karon ang Brazil, usa sa pinakadakong exporters sa karne dinhi sa Pilipinas, pagpadala og presko ug chilled nga karneng baka dinhi sa nasud.
Sumala sa Department of Agriculture, base sa Department Order 9, ang mga accredited exporters gikan sa Brazil gitugotan na sa pagpadala og presko o chilled nga karneng baka dinhi sa nasud human nakumpirma nga wala na’y kaso sa foot-and-mouth disease (FMD) kondiin apil sa gitugot ang pag-export og tambok sa baka.
Una nang mihangyo ang Ministry of Agriculture and Livestock sa Brazil alang sa pag-apil sa pipila ka mga produkto nga mahimong i-export dinhi sa nasud.
Sigon ni Jesus Cham, ang pagka-FMD-free nga walay vaccination maoy nagtugot sa Brazil sa pag-export og bukog ug mga internal nga parte sa hayop (offals).
Madumdumang niadtong Mayo ning mi-aging tuig, gikumpirma sa World Organisation for Animal Health, nga FMD-free na ang Brazil ug wala na’y vaccination tungod sa pagsunod niini sa internasyonal nga sanitary standards.
