BUTUAN CITY – Mi-abot sa kapin kon kulang P3.3 million ang nabitbit ni Filipina tennis star Alex Eala human natapos ang iyang kampanya sa WTA 1000 Madrid Open kondiin mi-abot siya sa ikaduhang round sa singles ug doubles.
Sa singles, iyang nakakuha ang €31,585 nga premyo human gipildi si Anastasia Pavlyuchenkova sa unang round apan natapos og sayo ang iyang tinguha human pildi ni Elise Mertens sa second round.
Samtang sa doubles kondiin ka-uban niya si Zeynep Sönmez, malampuson nilang nadad-an ang ilang unang round apan napildi sila sa round of 16 nila Katerina Siniakova ug Taylor Townsend. Bisan pa man niini, nakatala gihapon si Eala og bag-ong career-high sa doubles rankings human misaka sa No. 87 gikan sa kanhi No. 101.
SUnod nga apilan ni Eala ang Catalonia Open nga magsugod ning adlawa hangtud Mayo 3 isip pagpangandam usab niya sa Italian Open.
Lakip sa iyang maka-agbat sa maong torneo ang top seed Canadian-Filipina nga si Leylah Fernandez ug uban pang tag-as ang ranggo sa lawn tennis sa tibuok kalibutan.
