BUTUAN CITY – ‘Gikumpirma ni House prosecution panel spokesperson ug kanhi Surigao del Norte 2nd District Rep Robert Ace Barbers nga gikan gihapon sa Commission on Audit kon COA ang sunod nga witness nga ipatim-aw sa prosekusyon sa sunod nga impeachment trial karong Lunes, Agusto 10.
Sa eksklusibong pakighinabi sa Bombo Radyo Mindanao, gipasabot ni Barbers nga kini tungod kay ang taga-COA man ang nakadiskubre sa gika-ingong anumaliya sa liquidation sa confidential funds sa Office of the Vice President kon OVP ug sa Department of Education kon DepEd.
Dugang sa kanhi magbabalaud, kapin matud pa sa 500-milyunes pisos ang pundong gi-audit sa COA rason nga kinahanglang masayran kung asa kini gigamit o unsa’y nahitabo sa paggamit sa maong pundo ug kung duna ba’y nabalik ngadto sa gobyerno sa paggamit niini.
Samtang subay sa pagmarka sa affidavit ni Arturo Lascañas, kondiin gipadayag ni presiding officer Chiz Escudero nga wala magpasabot nga gidawat na kini sa impeachment court isip ebidensya.
Apan giklaro ni Barbers nga kini gipresentar sa prosekusyon isip kabahin sa ebidensya tungod kay nag-establisar man kini og pattern sa matud pa bayolenteng taras sa besi presidente.
Magdepende na matud pa sa mga senator-judges kung ilang dawat o dili higayong ihanyag na kini sa prosekusyon isip ebidensya.
