BUTUAN CITY- Ming-apaw na ang suba sa Barangay Sta. Fe sa San Marcelino sa probinsya sa Zambales kagahapon sa buntag Sabado, Agosto 8. Kini miresulta sa pagkalubog sa tubig baha sa taytayan sa barangay ug pipila ka bahin sa Sta. Fe National High School. Nunot usab sa walay hunong nga pag-ulan nga dala sa kusog nga hangin gikan sa hanging-habagat.
Gawas niini, gitaho sa San Marcelino Municipal Disaster Risk Reduction and Management Office (MDRRMO) nga wala pay gihimong pagbakwit sa mga residente, wala usab casualties, walay nadaot nga balay o insidente sa lanslide sa munisipalidad.
Nagpabilin usab nga ma-agian ang mga primary road ingon man aduna pagihapoy suply sa kuryente ug komunikasyon sa lugar.
Padayon usab nga gimonitor sa local officials ang sitwasyon sa gibahang eskwelahan ug sa ming-apaw nga suba aron makahimo og tukma ug husto nga lakang.
Minghimo na usab ang barangay officials og clearing operations sa mga debris nga nakababag sa mga agi-anan sa tubig ug sa tulay. Nagbutang na usab ang mga niini og sandbags isip parte sa mga gihimong lakang aron maibanan ang baha.
Gi-activate na usab sa municipal government ang ilang Emergency Operations Center and response cluster ug nagdeploy og monitoring teams sa high-risk areas.
