BUTUAN CITY – Nadakpan ang usa ka Sanggunian Kabataan (SK) Federation President sa lungsod sa Tago, Surigao del Sur uban sa laing tulo sa gilusad nga search operation. Naila ang nadakpang si Clarence Jay Casio Montenegro, 23-anyos, ulitawo og residente sa Purok Avocado Maroon, Brgy. Purisima, sa maong lungsod.
Apil sa nasikop sila Jodricks Ciriaco Acasio Corpuz, 21-anyos, ulitawo, estudyante;
Sherwin Cubay Montenegro, 40-anyos, minyo, usa ka Job Order employee sa LGU-Tago,
ug Kenard Bautista Quinoñes, 21-anyos, ulitawo ug residente sa susamang lungsod.
Gilusad ang operasyon base sa Search Warrant tungod sa paglapas sa RA 9165 nga gi-isyu ni Judge Catalina Shineta Tare-Palacio, Presiding Judge sa 11th Judicial Region, Regional Trial Court Branch 41, nga nakabase sa lungsod sa Cantilan, Surigao del Sur ug gi-isyu ning mi-aging adlaw.
Nakumpiska sa operasyon ang 32 ka mga sachets sa gidudahang shabu nga mitimbang og 8-gramos ug gibana-[banang nagkantidad og 94,400-pesos uban ang lain pang mga drug paraphernalia.
