BUTUAN CITY – Daghan sa mga magti-ayon ang dili ganahan nga atol sa ilang pakighilawas, mugamit og condom ang lalaki, samutan na kung pasu-uton ka’g face mask.
Nasayrang sa Canada, gihangyo ni Dr. Theresa Tam, chief public health officer, ang mga Canadians ng magsuot og face masks atol sa ilang ‘sexcapades’.
Nanawagan usab siya nga dili na manggi-halok aron malikayan ang pagkaylap sa COVID-19 virus dungan sa pagbutyag nga ang pinakaluwas nga porma sa pakighilawas, mao ang pag-sex nga siya mag-inusara.
Daghang kilay ang misaka sa maong sugyot apan gipasabot ni Dr. Tam nga kini gyod ang angayang buhaton ilabina kung bag-o ang iyang sex partner samut na kadtong maka-engkwentro og one-night stand.
Apan wala’y makalabaw sa pinakaluwas nga klase sa pakighilawas ning panahon sa COVID-19 kondili ang pag-solo.
Apil sa iyang gisugyot ang wala’y halukay, likayan ang face-to-face closeness, pagsuot sa face mask nga magtabon sa imong baba ug ilong, ug pag-monitor una sa imong kaugalingon ug sa imong partner aron masayran kung wala ba kamo’y simtomas adiser magkumbate.
