BUTUAN CITY – Andam na ang sepak takraw national team nga mudula karong adlawa Miyerkules, Mayo 10 subay na sa nagpadayong 32nd Southeast Asian kon SEA Games.
Sa eksklusibong pakighinabi sa Bombo Radyo Butuan, gipadayag ni team captain Jason Huerte nga positibo siyang makakuha sila og gold medal ilabina sa hoop event diin sila mikampyon niadtong 2019 SEA Games ug kampante pa siyang makakuha sila og duha ngadto sa tulo ka mga gold medals sa sepak takraw.
Gidugang ni Huerte nga kadaghanan sa mga national athletes sa maong event nakasalmot na sa katapusang SEA Games kansang mga salmutan unta nga international competitions human niadtong 2019, nabaraw tungod sa COVID-19 pandemic.
Hinuon mibalik na ang abilidad ug pagsalig sa mga atleta sa ilang kaugalingong human sa ilang training sa Thailand.
