BUTUAN CITY- Sugdan na ugmang adlawa ang pagtupok sa mga senior citizens sa Butuan sa unang dose sa bakuna gamit ang AstraZeneca.
Sa karun anaa lamang sa 300 vials sa bakuna ang gihatag sa DOH-Caraga diin anaa lang usab sa 3,000 ka mga senior citizens ang mamahimo nga matupukan niini.
Tungod niini, gihatagan og mga skedyul ang mga senior citizens sa nagkadaiyang barangay ning syudad kondiin hatagan ang mga niini og barangay pasess nga naka skedyul sulod sa upat ka adlaw.
Ug kadto lamang dunay mga barangay passes ang pweding mabakunahan apan kadtong mga wala pa, mahimo lamang nga maghulat sa sunod nga skedyul.
Ipahigayon ang maong pagpamakuna sa SM City Butuan, FSUU Morelos, Robinsons Place Butuan, ug sa dugang nga vaccination post nga mao ang Bilay Polyclinic.
