BUTUAN CITY – Gipahayag ni Senador Robin Padilla nga mobabag ang Senate minority bloc sa pag-convene sa impeachment court ugaling isubmite sa Kamara de Representantes ang articles of impeachment batuk kang Vice President Sara Duterte.
Depensa sa Senador, kabahin sa katungdanan sa minority ang mag-oppose isip pagsunod sa parliamentary procedure bisan og duna pay pagpanumpa ang mga Senador isip hukom.
Dugang pa niini nga nangandam na usab siya ugaling makalingkod isip senator-judge.
Samtang supak usab sa impeachment si Senador Jinggoy Estrada tungod kay sa kadaghan sa problema sa nasud apan gipamugos niyang basehan pa gihapon niya ang ebidensya kung mahinayon ang proseso.
Gipaneguro usab ni Senador Alan Peter Cayetano nga musunod ang minority bloc sa mga patakaran.
Sigon ni Senate President Vicente Sotto III, mamahimong i-convene ang impeachment court kung nadawat ang articles of impeachment, apan ang mismong pagtaral himoon pa sa tukmang panahon alayon sa Konstitusyon.
