BUTUAN CITY – Dunay igong pondo ang Senado para sa posibleng impeachment trial batuk kang Vice President Sara Duterte, sumala ni Senate President Pro Tempore Panfilo “Ping” Lacson.
Sigon ni Lacson, nga maoy chairman sa Senate Committee on Accounts, nga muabot sa kapin 26 milyones pesos ang mamahimong magamit gikan sa 27 milyones pesos nga gigahin sa ilalom sa 2025 General Appropriations Act (GAA).
Sumala sa senador, anaa sa “continuing appropriations” ang pondo rasong mamahimo pa kining gamiton sa sulod sa duha ka tuig.
Gipa-ambit usab ni Lacson nga anaa sa kapin 500-mil pesos na ang nagastos sa Senado sa dihang unang madawat ang Articles of Impeachment batuk kang Sara Duterte niadtong nakalabay nga tuig.
Pamugos sa Senate President Pro Tempore, andam ang Senado kung ugaling masubmite ang impeachment case gikan sa Ubos balay balauranan sa Kongreso, ug gipaneguro niyang nakabase lang sa ebidensya ang mahimong paghawid sa mga senador sa kaso sa Bise Presidente.
Samtang nagpahinumdum usab siya sa mga kaubanang senador nga posibleng magsilbing senator-judges nga patunhayon ang saktong pamatasan ug proseso ugaling moabante ang impeachment trial sa Senado.
