BUTUAN CITY – Andam ang Senado nga gelayong mag-convene isip usa ka impeachment court kung madawat na ang Articles of Impeachment batuk kang Vice President Sara Duterte.
Kini bisan paman sa unang pagklaro nga gihimo sa Supreme Court mahitungod sa kahulugan sa pulong nga ‘forthwith’, nga nagtumbok sa mahimong aksyon sa Senado, oras nga madawat niini ang kopya sa kaso.
Sigon ni Sotto, bisan og gitumbok sa pinakataas nga hukmanan ang nasangpit nga pulong isip ‘reasonable amount of timeframe’, nagpabilin ang otoridad sa Senado nga magtakda sa kung unsaon niini pagpahigayon sa impeachment trial.
Gibarugan sa Senate leader nga dili sakop sa nasangpit nga desisyon ang trabaho sa Senado, isip co-equal branch.
Bisan og gikonsidera usab ni Sotto nga sakto ang decision sa Supreme Court, dili matud pa niini maapektuhan kung unsa ang lihok sa Senado.
Sa karun nakabaton na og mga sunod-sunod nga preparasyon sa Senado, kauban ang panag-estorya tali sa mga senador diin usa sa mga inisyal nga plano ang himoong transparent ang proceeding pinaagi sa livestreaming.
