BUTUAN CITY- Mingresulta sa kagubot ang selebrasyon sa siyudad sa New York human madaog sa New York Knicks ang ilang unang kampeonato sa NBA sulod sa kapin 50 ka tuig pinaagi sa pagpilde sa San Antonio Spurs, tungod sa sunod-sunod nga kagubot nga nahitabo sa kadalanan sa Manhattan.
Usa ka 17-anyos nga batan-on ang naangol human mapusilan duol sa Times Square, samtang lima ka school bus ang gisunog ug giguba sa nagkaguliyang nga mga indibidwal.
Sumala sa pulisya, miresulta usab ang kagubot sa upat ka insidente sa pagka-angol, pagkadaot sa mga pribadong sakyanan ug police vehicles, paggamit og fireworks taliwala sa dagkong panon, ug mga away sa kadalanan.
Sumala pa sa opisyal, mingkabat na 63 ka tawo ang gidakop ug 10 ka pulis ang na-angol. Bisan pa sa pahimangno ni Knicks owner James Dolan nga magpabiling malinawon ug luwas ang mga selebrante, nahimong bayolente gihapon ang kasaulogan kansa una untang mapuno sa kalipay ug pagsaulog sa makasaysayang kadaugan sa koponan.
