BUTUAN CITY- Padayon ang gihimong search, rescue, ug retrieval operations sa mga awtoridad ug uban pang response teams alang sa upat ka indibidwal nga nawala human ang insidente sa pag-collapse sa parte sa Agana Bridge sa Tarlac City.
Nahitabi ang insidente sa may alas-7:40 niadtong Sabado sa gabie kung gi-anod sa kusog nga awas sa tubig ang usa ka Toyota Avanza nga adunay 5 ka sakay human ang pagkahuno sa kaong tulay.
Sumala sa mga otoridad usa pa lang sa 5 ka sakay sa sakyan ang nakaluwas. Gi-ila ang nakaluwas nga si Nathaniel Dizon, kinsa naluwas sa rescue team human ang insidente.
Padayon usab nga gipangita ang upat ka sakay nga sila Paul Harvey Collado, James Patrick Taborlupa, Shiela Mae Taborlupa, ug Shonen Tuhaw
Sa kasamtangan, dili pa luwas nga gamiton ang mga baruto ug floating devices tungod sa kondisyon sa tubig. Sumala sa mga awtoridad, posibleng mabutang sa risgo ang mismong mga rescuers kung ipamugos ang paggamit sa mga niini samtang kusog ug paspas sang pag-awas sa suba.
