BUTUAN CITY- Ming-abot na sa pito ang kumpirmadong patay samtang 9 ang padayon nga gipangita human mingbusikad ang usa ka dakong pagbuto ug grabe nga sunog sa Amur Gas Chemical Complex sa rehiyon sa Russian Far East.
Sumala sa mga taho, nahitabo ang insidente samtang gihimo ang startup operations sa maong dakong pasilidad.
Natala usab ang kapin 150 ka trabahante nga naka-angkon og managlahing olebel sa samad ug kadaot sa kalawasan tungod sa insidente.
Ang Amur Gas Chemical Complex usa ka dakong joint petrochemical project pinaagi sa Russia ug Tsina nga kasamtangang gitukod sa nasangpit nga rehiyon aron mapakusgan ang produksyon sa kemikal ug enerhiya.
Kasamtangan nang nagpadayon ang lapad nga search and rescue operations sa mga awtoridad sa lugar aron makit-an ang mga nangawala trabahante, samtang gihimo na usab ang hugot nga imbestigasyon aron matumbok ang mismong sinugdanan ug hinungdan sa pagbusikad.
