-- ADVERTISEMENT --
BUTUAN CITY- Gatusan ka mga travellers, lakip ang labing menos 291 ka langyaw nga turista, ang gikatahong missing human sa kusog nga flash flood sa utlanan sa Nepal ug Tibet, samtang labing menos 17 ka tawo ang gikumpirmang patay.
Sumala sa Nepal Tourism Board, kapin 100 sa mga missing ang gikan sa India ug 12 gikan sa United Kingdom. Ang kusog sa baha nakaanod sa mga tulay, nagpukan sa pipila ka multi-storey buildings ug nakalubong sa mga balay sa lapok nga tubig, ilabi na sa Nuwakot district.
Sigon sa Foreign Minister sa Nepal, posible nga usa ka linog maoy hinungdan sa avalanche nga misangpot sa kalit ug makusog nga pagbaha, samtang nagpadayon ang rescue ug search operations alang sa mga missing.
