-- ADVERTISEMENT --
BUTUAN CITY- Opisyal nang mingretiro sa iyang Gilas Pilipinas career si June Mar Fajardo human sa 13 ka tuig nga pagserbisyo alang sa nasudnong koponan.
Ang siyam ka higayon nga PBA MVP mipahibalo sa iyang pagretiro gikan sa international basketball niadtong Domingo, nga nagtapos sa usa ka mabungahong karera diin tulo ka higayon kining nakarepresentar sa Pilipinas sa FIBA World Cup ug nakigbisog sa nagkadaiyang kompetisyon sa Asia.
Ang duwa batok sa Iran sa FIBA World Cup Asian Qualifiers Window 4 sa Mall of Asia Arena maoy kataposang FIBA appearance sa 6-foot-11 nga sentro sa Gilas.
Bisan pa sa iyang pagretiro, natapos ang iyang kataposang duwa sa positibong paagi human gipildi sa Gilas Pilipinas ang Iran, sa skor nga 68-56.
