BUTUAN CITY – Inisyal nang mihimo og legal nga lakang ang pamilya Bag-ao sa Brgy Calibunan, Cabadbaran City, lalawigan sa Agusan del Norte, aron mahatagan og hustisya ang kamatayon sa 16-anyos nga si Yusho dihang nagdula og badminton atol sa intramurals sa Mindanao Institute.
Sa eksklusibong pakighinabi sa Bombo Radyo Butuan, gipadayag sa inahan niining si Vilma nga nagpa-blotter na sila sa Cabadbaran City Police Station alang sa inisyal nga lakang nga gila-uman nilang matibawas higayong malubong na ang iyang anak.
Aminado kining nangayo na og pasaylo kaniya ang pipila ka mga magtutudlo kansa ila usab nga gidawat apan ipadayon gihapon nila ang mga lakang hangtud nga duna’y mapanubag sa kamatayon sa iyang anal.
Gikasakit niya og maayo nga wala’y maestra nga nagbantay sa mga estudyante nagdula taliwa nga duha lang sila niadtong higayona.
Misamot ang iyang kasibot nga ipadayon ang legal nga aksyon human nasuta nga duna na’y estudyanteng nga dili atleta ang nakuyapan adiser nahitabo ang iyang anak.
Nanghinaut na lamang ang ginang nga dili na kini ma-usab nga hitabo ngadto sa ilang mga ginikanan tungod kay dili matud pa lalim nga mawad-an og anak.
Kinahanglan matud pang muhimo og saktong lakang ang maong tunghaan aron maprotektahan ang ilang mga estudyante sa tanang higayon ilabina sa mga panahon nga kinahanglan ang pagtagad sa mga magtutudlo.
