BUTUAN CITY – Plantsado na ang Philippine Team sa ilang himuong pag-martsa alang sa opening ceremony sa Paris Olympics.
Sigon ni Philippine Olympic Committee (POC) President Abraham “Bambol” Tolentino, pangunahan nila Pinoy boxer Nesthy Petecio ug Carlo Paalam ang parada ka-uban ang 16 nga lain pang mga atleta.
Dili maka-uban si Tolentino sa parada tungod kay mas gipili niyang mulingkod sa family section kilid sa River Seine.
Maka-uban nila Paalam ug Petecio ang mga ka-ubanan nilang boksingero nga sila Aira Villegas ug Hergie Bacyadan, hurdlers Lauren Hoffman ug John Cabang Tolentino, swimmers Kayla Sanchez ug Jarrod Hatch, gymnast Aleah Finnegan ug fencer Samantha Catantan.
Musakay usab sa bangka nga alang sa Pilipinas sila Chef de Mission Juanito Victor “Jonvic” Remulla ug pipila ka mga sports officials ka-uban sila Michael Angelo Vargas sa swimming, Marcus Manalo sa boxing, Cynthia Carrion Norton sa gymnastics, Patrick Gregorio sa rowing ug Agapito “Terry” Capistrano sa athletics.
Dili usab maka-uban ang mga boksingerong sila Eumir Marcial, gymnast Carlos Yulo ug rower Joanie Delgaco tungod kay mangandamman sila sa tagsa-tagsa nila ka away karong Sabado samtang si pole vaulter EJ Obiena nakatutok pa usab sa iyang pre-game preparations sa Normandy.
Ang mga weightlfters nga sila Vanessa Sarno, John Febuar Ceniza ug Erleen Ann Ando, wala pa mahuman sa ilang training sa Metz ug gikatakdang mu-abot sa Olympic Village sa Agosto 6.
Mukumpleto sa 22-ka mga atleta sa nasud sila gymnast gymnasts Emma Malabuyo ug Levi Ruivivar, golfers Bianca Pagdangan ug Dottie Ardina ug judoka Kiyomi Watanabe.
Magsugod ang Opening ceremony pasado alas-7:30 sa gabii, oras sa Paris kon 1:30 sa kaadlawon, oras sa Pilipinas sa Sabado.
Mahimong makasaysayanon ang Paris Olympics tungod kay himuon kini sa usa ka stadium inay nga himuon sa River Seine.
