BUTUAN CITY – Gikumpirma sa lokal nga kagamhanan sa Talacogon, Agusan del Sur nga ugmang adlawa pa sugdan, Martes, ang public viewing sa patay’ng lawas ni anhing Rene Clert “Bobet” Baterbonia nga gibiyahe na gikan sa Davao City sugod kaganinang buntag.
Kini tungod kay sa pag-abot niini nign gabhi-una, gireserba una kini alang sa mga membro sa iyang pamilya ug suod nga mga kabanay ilabina kadtong gikan sa Davao ug ubang mga lugar, base na usab sa hangyo sa pamilya.
Sugdan ang public viewing nga himuon sa municipal evacuation and gymnasium sa may Brgy San Agustin, ugma sa ala-una sa hapon hangtud sa alas-12 sa tungang gabii samtang pagka-Miyerkules, sugdan kini sa alas-otso sa buntag ngadto na sa alas-singko sa hapon aron mapangandaman ang balaang misa nga himuon sa alas-sais sa gabii.
Human sa misa, himuon na usab ang public viewing hangtud na sa alas-12 usab sa tungang gabii.
Magpadayon ang ingon niini nga oras sa pagtan-aw sa publiko sa iyang patay’ng lawas hangtud sa katapusang vigil adiser ang iyang lubong sa Hunyo 23.
