BUTUAN CITY – Tungod sa sunod-sunod nga mga problemang nasinatian nga naghatag kaniya og depression, nagdesisyon na lang ang usa ka 56 anyos nga lalaking kutlu-on ang iyang kinabuhi.
Naila ang biktimang si Pepito Deguito, 56-anyos, minyo ug residente sa Purok 4, Brgy. Taligaman ning syudad sa Butuan.
Migawas sa imbestigasyon sa ginsakpan sa Butuan City Police Station 4 ngadto sa anak sa biktima, nga dako na lang ang iyang kakurat dihang pagsulod niini sa lawak sa iyang amahan pasado alas-sais kagabii, misugat sa iyang panan-aw ang pagbitay na sa biktima gamit ang pisi.
Nasayrang gikaguol sa biktima ang sunod-sunod nga problema human nakagawas sa ospital tungod sa iyang hubak kondiin nawad-an usab kini sa iyang panan-aw, nawad-an pa og trabaho ug naputlan pa og kuryente.
