-- ADVERTISEMENT --
BUTUAN CITY – Nagpahimangno ang World Bank, International Monetary Fund ug ang World Food Program nga musangpot sa pagsaka sa presyo sa pagkaon ang padayong giyera sa Middle East.
Ilang gibuytag nga ang pagsirit sa presyo sa lana, gas ug fertilizers direktang maka-apekto sa food supply ilabina sa mga kabus ug import-dependent nga nasud.
Bisan matud pa og duna’y ceasefire ang Iran ug Amerika, nagpabilin gihapong taas ang tensyon tungod sa nagpadayong gubat sa Middle East.
Giklaro usab sa maong mga institusyon nga ang krisis usa sa pinakadakong disruption sa global energy market nga mahimong magpagrabe sa food crisis.
