BUTUAN CITY – Dili igo ang ulahi nga knockdown aron mapabilin ni Pinoy boxer Melvin ‘El Gringo’ Jerusalem ang iyang World Boxing Council (WBC) minimumweight title human napildi ni Siyakholwa Kuse via unanimous decision kaganinang buntag sa ilang rematch sa Emperor’s Palace sa South Africa.
Wala musalir ang kusog ni Jerusalem, kinsa unang mipildi kang Kuse atol sa Thrilla in Manila 2 event niadtong Oktubre ning mi-aging tuig, sa hometown advantage sa South African boxer.
Ang usa ka judge mihatag kang Kuse og winning score nga 116-112, samtang ang laing duha, 116-111 ug 115-112.
Parehogn nagbayluay og kinomo ang duha ka boksidor sa unang hugna sa ilang away apan nagisian si Jerusalem sa ikaduhang round human ang ilang head clash.
Bisan og napatumba sa pride sa Manolo Fortich, Bukidnon si Kuse ngadto sa canvas dihang na-igo sa iyang tuong kinomo, apan daling nakatindog ang South African quickly rason nga nalikayan niini ang pag-ihap sa referee.
Gihunat na ni Jerusalem ang iyang kusog sa ika-12 ug final round, apan gibaslan kini ni Kuse og solid footwork ug mga counters rason nga sa pagtapos sa dula, gihatag sa mga hurado ang ilang desisyon ngadto sa home bet.
Tungod niini, mi-ubos ang record ni El Gringo ngadto sa 25 ka daug kondiin 12 niini pinaagi sa knockouts ug 4 ka pildi samtang misaka ang kang Kuse ngadto sa 10-3-1 win-loss-draw slate.
