BUTUAN CITY – Hugot nga gipanawagan ni Fire Sr. Insp. Ronald Vasquez, Acting City Fire Marshall sa Butuan City Central Fire Station ang gustong magtukod og panimalay nga musunod sa building code og fire code aron mas ang tsansa nga mabiktima sa sunog.
Gihimo kini sa opisyal ang panawagan tungod sa sunod-sunod nga sunog nga miulbo sa siyudad sa Butuan kagahapong adlawa.
Nasayrang dunay sunog sa P-4 Tawilon, Barangay Ambago nga milamoy sa 2 ka andana nga panimalay ni Mrs. Buladako og midamay sa laing usa pa.
Nagsugod ang kalayu sa dirty kitchen rasong bisan og nagpadayon pa ang pagtumbok sa hinungdan sa pag-ulbo sa kalayu, dako ang posibilidad nga tungod kini sa napasagdang giluto.
Samtang padayon usab ang gihimong imbestigasyon sa sunog sa Purok-10, Barangay Baan km-3, diin 10 ka mga panimalay ang naugdaw.
Sigon ni Vasquez muabot sa 2.9 milyones pesos ang gibana-banang damyos samtang dunay usa ang samaron.
Pagbutyag pa sa opisyal makasusubo gayud ang mawad-an og panimalay ilabina tungod sa sunog apan dinhe matud pa mapamatud-an kung unsa ka safety conscious ang usa ka tawo.
Magsugod matud pa kini sa pagpatukod palang sa panimalay diin dapat mosunod gayud sa building code og fire code o boot pasabot kinahanglang regulated kini.
